មើលទឹក​មុខ Fan របស់​ក្រុម Cambodia All Stars ម្សិលមិញ ញញឹម​ស្រស់​ដល់​ហើយ

By Rasmey | Mar 19, 2016

Cambodia All Star

                   

ក្រុម​​បាល់ទាត់​ Cambodia All Stars របស់​កម្ពុជា បាន​ប្រកួត​ ឈ្នះ​ក្រុម​​ភ្ញៀវ Lao All Stars របស់​ឡាវ ដោយ​លទ្ធផល ៣ទល់២ ក្នុង​ជំនួប​មិត្តភាព​អន្តរជាតិ​នៅ​​ល្ងាច​ថ្ងៃ​សុក្រទី ១៨​ខែ​មីនា ឆ្នាំ ២០១៦ ម្សិលមិញលើ​ទីលាន​ពហុ​កីឡដ្ឋាន​ជាតិ ខណៈ​អ្នក​គាំទ្រ​មិន​តិច​ម៉ឺន​នាក់​បាន​ចូលរួម​ជា​កម្លាំង​សំខាន់​ក្នុង​ការ ​រុញ​ច្រាន​កម្លាំង​ចិត្ត​ដល់​កីឡាករ​លើ​ទីលាន។

ខាង​ក្រោម​ជា​ទិដ្ឋភាព​​អ្នក​គាំទ្រ​ចូល​តាម​ដាន​ទស្សនា​ការ​ប្រកួត​ម្សិលមិញ៖

                                                                                 ​ប្រភព We Are Football

 

ក្លិបបាល់ទាត់ភ្នំពេញក្រោន ធ្វើដំណើរទៅសម្ពោធសាលារៀននៅព្រំដែន​កម្ពុជា-វៀតណាម ស្អែកនេះ

Mar 19, 2016


មុនលីគចាប់ផ្តើម ក្លិបស្ថិតនៅលីគកំពូលកម្ពុជា ភ្នំពេញក្រោន នឹងចេញទៅសម្ពោធសាលាអនុវិទ្យាល័យ សំពៅមាស ដែលស្ថិតនៅស្រុក កោះធំ ឃុំ សំពៅពូន ភូមិ ជ្រៃធំ ខេត្ត កណ្តាល ដោយមានការអញ្ជើញជាអធិបតីភាពរបស់ លោកឧកញ៉ា កុក អាន ដែលជាឪពុកក្មេករបស់ប្រធានក្លិបភ្នំពេញក្រោន លោក រិទ្ធី សំណាង ដោយមានបន្ទប់សិក្សាចំនួន៥ ហើយក៏នឹងចែកសម្ភារៈសិក្សាមួយចំនួនផងដែរ។

ក្នុងនោះកីឡាកររបស់ក្លិបផ្ទាល់នឹងចាកចេញពីកីឡដ្ឋាន RSN នៅម៉ោង៦ព្រឹក ស្អែកថ្ងៃ អាទិត្យ នេះ ដើម្បីចែករំលែកបទពិសោធន៍អំពីបាល់ទាត់ (Football Clinic) ពីសំណាក់កីឡាករជម្រើសដំបូង ហើយក៏មានការចួលរួមពីក្មេងៗចំនួន៤៧៨នាក់។

នេះជាលើកទី២ហើយនាដើមឆ្នាំ២០១៦នេះ ដែលក្លិបធ្វើFootball Clinic បន្ទាប់ពីលើកមុននៅថ្ងៃ ទី ១៩ ខែ កុម្ភៈ ដោយក្រុមជើងឯកឆ្នាំចាស់ភ្នំពេញក្រោន បានធ្វើដំណើរកំសាន្តទៅកោះស្មាច់ ក្នុងខេត្តកោះកុង ក្នុងគោលបំណងពង្រឹងចំណងសាមគ្គី ហើយក៏បានបន្តដំណើរទៅកាន់ កោះស្តេច ដើម្បីធ្វើកម្មវិធី Football Clinic នៅវិទ្យាល័យកោះស្តេច។

គួរបញ្ចាក់ថា ក្លិប ភ្នំពេញក្រោន នឹងត្រូវធ្វើដំណើរទៅកីឡដ្ឋាន វេស្ទើន របស់ ក្លិប វេស្ទើនភ្នំពេញ នាថ្ងៃ អាទិត្យ ទី៣ ខែ មេសា ដើម្បីប្រកួតពានរង្វាន់លីគកំពូលកម្ពុជា សប្តាហ៏៤ ៕

រូបថត៖ PPCFC

ph-kosal.blogspot.com

ក្លិប ព្រះខ័នរាជស្វាយរៀង សមជើងជាមួយ ជម្រើស​ខេត្ត​ស្វាយរៀង នៅល្ងាចថ្ងៃសៅរ៍នេះ

Mar 19, 2016

 

                                           

ក្លិបដែលលេងនៅលីគកំពូលកម្ពុជា

ព្រះខ័នរាជស្វាយរៀង នឹងត្រូវប្រកួតលក្ខណៈមិត្តភាព ជាមួយ​ក្រុម​ជម្រើស​ខេត្ត​ស្វាយរៀង សមាជិក​ក្នុង​ពាន​រង្វាន់​សម្តេចតេជោ ហ៊ុន សែន (Hun Sen Cup) ឆ្នាំ​២០១៦ នៅ​ម៉ោង៤ល្ងាច ថ្ងៃ សៅរ៍ ទី ១៩ ខែ​មីនា នេះ នៅកីឡដ្ឋាន​ខេត្ត​ស្វាយរៀង។

ចំពោះ​ក្លិប ព្រះខ័នរាជស្វាយរៀង សព្វថ្ងៃកំពុងឈរលេខ៣នៅក្នុងលីគកំពូលកម្ពុជាមាន៧ ដោយពុំដែលចាញ់នោះទេ។ ចំណែកខេត្ត ស្វាយរៀងវិញ ក៏ត្រៀមខ្លួនដើម្បីលេងពានរង្វាន់សម្តេច ហ៊ុន សែន នៅជុំផ្តាច់ព្រ័ត្រ ក្រោយប្រកួតនៅវគ្គជម្រុះបាន៥ម្តងនៅសល់១ប្រកួត មាន១២ពិន្ទុ មានន័យថាឡើងរួចស្រាប់ ហើយក៏ត្រៀមខ្លួនលេងពានលីគលំដាប់ទី២ផងដែរ៕